سەرۆك كۆمار پێشوازیی دەكات لە سەماحەتی سەید عەمار ئەلحەكیم

2015/11/03
130 بینراو

ئەمڕۆ پێنج شەممە ٢٠١٥/١٠/٢٩ بەڕێز سەرۆك كۆمار فوئاد مەعسوم لە بەغداد پێشوازیكرد لە سەماحەتی سەید عەمار ئەلحەكیم سەرۆكی ئەنجومەنی باڵای ئیسلامیی عێراق.
لەو دیدارەدا گفتوگۆ كرا لە بارەی پێشهاتەكانی بارودۆخی سیاسیی و ئەمنیی و خزمەتگوزاریی ، بە تایبەتیی ئەوەی پەیوەستە بە رەوتی جەنگ دژی داعشی تێرۆریست و سەركەوتنەكان لەم جەنگەدا.
لە بەشێكی تری دیدارەكەدا پێویستیی یەكخستنی هەوڵەكان بە ئامانجی تێكشكاندنی تێرۆر و كاراكردنی پشتیوانیی نێودەوڵەتیی بۆ عێراق و كاری جدیی بۆ چارەسەر كردنی كێشەكان و یەكڕیزیی نیشتمانیی بۆ دورخستنەوەی مەترسییەكان دوپاتكرایەوە كە بەرۆكی وڵاتی گرتوە.
لە تەوەرەیەكی تردا باسی ئەو زیانانە كرا كە بە هۆی بارانی بەلێزمەوە لە چەند ناوچەیەك كەوتوە ، لەو روەوە سەرۆك مەعسوم و سەماحەتی سەید حەكیم دوپاتیان كردەوە كە پێویستە دەزگا پەیوەندیدارەكان تەواوی هەوڵ و تواناكانیان بخەنە كار لە پێناوی دابینكردنی خۆراك و دەرمان و پۆشاك و بەتانیی بۆ زیان لێكەوتوان ، پلانێكی ستراتیژیی تۆكمەش دابنرێت بۆ رێكخستن و گەشە پێدان و دەستپێكردنی دەست بەجێی خزمەتگوزاریی گشتیی بۆ مەودایەكی دور و درێژ خایەن .
Presedent

هەواڵی پەیوەندیدار

هەڵبژاردە

رۆژمێری چالاکیەکان