پەیامی سەرۆك مەعسوم بە بۆنەی نزیك بونەوەی جەژنی پیرۆزی رەمەزانەوە

2017/06/23
25 بینراو


بەڕێز سەرۆك كۆمار دكتۆر فوئاد مەعسوم بە بۆنەی نزیك بونەوەی جەژنی پیرۆزی رەمەزانەوە پەیامێكی ئاڕاستەی رۆڵەكانی گەلی عێراق كرد  ئەمە دەقەكەیەتی:
 
“بەناوی پەروەردگاری بەخشندە و میهرەبانەوە 
ئەی گەلی عێراقی دلێر 
سڵاوی خواتان لێ بێت 
لەگەڵ نزیك بونەوەی هەڵاتنی خۆری جەژنی پیرۆزی رەمەزان و لەكاتێكدا كە ماڵئاوایی لە مانگی بەزەیی و لێخۆشبون، لە مانگی پیرۆزی رەمەزانی دەكەین، گەرمترین پیرۆزبایی لە رۆڵەكانی گەلی عێراق بە هەمو پێكهاتەكانیانەوە و لە موسڵمانان دەكەم لە هەمو جیهان، لە یەزدانی مەزنم داوایە رۆژوەكانتان قبوڵ بكات و رۆژەكانتان هەموی بكاتە جەژن و شادیی و ئاشتیی و بە بەخشندەیی خۆی ئەم رۆژە پیرۆزانەمان بكاتە دەسپێكی سەركەوتنی سەرتاسەریی وڵاتمان بەسەر تێرۆردا ول اپەڕەكانی توندوتیژیی و كارەساتەكانی دەرەنجامی تێرۆر بسڕێتەوە و هەنگاوی پێشكەوتنەكانمان بەرەو بنیاتنانی ئایندەیەكی ئارام و گەشە سەندو بەهێز بكات بۆ گەلێكی یەكگرتو لەسەر بنەمای برایەتیی و لێك تێگەیشتن و هاریكاریی و كاری هاوبەش.
ئەم بۆنە پیرۆزە دەكەمە دەرفەتێك بۆ ئەوەی بە هەستێكی پڕ لە پێزانین و شانازیییەوە سڵاو بنێرم بۆقارەمانە ئازاكانمان لە هێزە چەكدارەكانمان بەهەمو پێكهاتە و ریزەكانیانەوە كە بەردەوامن لە تۆمار كردنی سەركەوتنی مەزنی مێژویی بەسەر تێرۆر و بە ئاكام گەیاندنی رزگاركردنی تەواوی خاكی عێراق لە پیسیی تێرۆر، كە لەم جەنگە پیرۆزەدا ئازیزترین قوربانیی و مەزنترین قارەمانێتییان پێشكەش كردوە، شانازیشمان دوپات دەكەینەوە بەو دەستكەوتانەی كە لە سەركەوتنەكاندا دەستەبەریان كردوە و ئاسۆی هیوایان لەبەردەم گەلەكیان و جیهاندا بەهێز كردوە بۆ لەناوبردنی چەتەكانی داعشی تێرۆریست كە بەم دواییە خۆیان كۆتایی خۆیانیان راگەیاند بە رەفتارە ترسنۆك و سەرشۆڕییەكەیان كاتێك منارەی مێژویی حەدبا و مزگەوتی گەورەی نورییان لەشاری موسڵ تەقاندەوە ئەوەش دوپاتكردنەوەیەكی تری عەقڵیەتە تاوانباریی و لادەرەكانیان بو.
لەم بۆنە بەشكۆیەدا سڵاو دەنێرم بۆ كەس و كاری شەهیدان كە ئەوانیش و ئێمە هەمومان شانازییی بە قارەمانیەتی رۆڵەكانیانەوە دەكەین بەوەی قوربانیان دا بە ئازیزترین و بەنرخترین شتیان لە پێناوی شكۆیی و ئازادییدا، نزامان بەزەیی و بەخشین بۆ شەهیدانی نەمر و چاكبونەوەی بەپەلەیە بۆ بریندارە گیان بازەكان.. هاوكات هاوپشتیی تەواو دەدەبڕین بۆ خانەوادە ئاوارە بو و راگوێزراوەكان كە زۆریان چەشتوە بەدەست بارودۆخی ناهەموار و دژوار، نزا و دوپاتكردنەوە و هەوڵی هەموان لەپێناوی كاركردنە بە هەمو توانایەكەوە بۆ دابین كردنی هەلومەرجی گەڕانەوەیان بە سەربڵندیی و ئارامیی بۆ سەر ماڵ و حاڵ و شار و دێهاتەكانیان. لەم روەوە ستایشی هەوڵی رۆڵەكانی گەلەكەمان دەكەین بەهەمو توێژ و پێكهاتەكانیانەوە بۆ ئەو خۆڕاگریی و دان بەخۆدا گرتنانەی كە نیشانیان داوە لە ئاست مەینەتیی و چەرمەسەرییەكانی كە چەشتویانە لە بەگژاچونەوەی تاوانەكانی تاقمی داعشی تێرۆریست و پیلانە كاولكارییەكانی كە دژ بە هەمو پێودانگێكی ئاینیی و مرۆیی و رەوشتیی.
گەلەكەمان لە هەلومەرجی نائاسایی دژواردا كە بەم دواییە تێی پەڕاند، ئەوەی سەلماند توانای زۆرە بۆ تێكشكاندنی پیلانی تێرۆریستان كە مەرامیان رێگری كردنە لە بەردەوامبونی كاروانی بنیاتنانی عێراقێكی نوێی دیموكرات و سوربون لەسەر یەكێتییەكەی، هەر ئەوەشە كە داوا لە عێراقییەكان دەكەین بۆ پابەند بون پێوەی و هەوڵی جدیی لە پێناوی چارەسەركردنی كێشەكانمان لەرێی دیالۆگ و هەورازخستنی گیانی لێبوردەیی لای هەموان و وەلانانی تایەفەگەریی و نەژاد پەرستیی و ناوچەگەریی و كاركردنی جدیی لە پێناوی هەوراخستنی پرەنسیبی هاوڵاتییبون و بەئاكام گەیاندنی ئاشتبونەوەی كۆمەڵ لەگەڵ یەكتری و چارەسەركردنی هەمو كێشە هەڵپەسێراوەكان بە گیانی بەرپرسیاریەتیی و عەدالەت لە چوارچێوەی دەستوردا بەو جۆرەی یەكێتیی گەل و وڵات و پێشكەوتنی راستەقینە بەرەو سەرلەنوێ ئاوەدانكردنەوەی عێراق و پتەوكردنی پێگە بەهێزەكەی لەهەردو ئاستی ناوچەكە و جیهان زامن دەكات. 
پەروەردگار رۆژەكانمان بۆ بكاتە جەژن و خۆشیی و ئاشتیی و خۆش ویستن و خۆشگوزەرانیی. 
جەژنێكی پیرۆز، هەمو ساڵێك عێراق و عێراقییەكان و موسڵمانان و تەواوی مرۆڤایەتیی لە خۆشیدا بن.

فوئاد مەعسوم
سەرۆك كۆمار”
Presedent

هەواڵی پەیوەندیدار

هەڵبژاردە

رۆژمێری چالاکیەکان