بەیانی کۆبونەوەی سێ سەرۆکایەتییەکە لە رۆژی پێنج شەممە ٢٠١٧/٨/٣

2017/08/03
24 بینراو


ئێوارەی ئەمڕۆ پێنج شەممە ٢٠١٧/٨/٣، سێ سەرۆکایەتییەکە لە کۆشکی سەلام لەبەغداد کۆبونەوە بە ئامادەبونی بەڕێز سەرۆک کۆمار دکتۆر فوئاد مەعسوم، بەڕێز سەرۆکی ئەنجومەنی وەزیران دکتۆر حەیدەر عەبادیی و بەڕێز سەرۆکی ئەنجومەنی نوێنەران دکتۆر سەلیم جبوریی.
لە کۆبونەوەکەدا مەسەلەکانی ئابوریی، ئەمنیی، هەڵبژاردنەکان، دیاردەی چەتە و رێگری چەکدار و مەسەلە هەنوکەییەکان بە چڕیی تاوتوێکران. 
پێویستیی کۆتایی هێنان و یەکلایی کردنەوەی هەرچی زوتری دیاریکردنی ئەنجومەنی نوێی کۆمیسیۆنی باڵای سەربەخۆی هەڵبژاردنەکان لەسەر بناغەی سەربەخۆیی و بەتوانایی و پاکیی دوپاتکرایەوە. 
لەسەر ئەوەش رێککەوتن کە هەماهەنگیی لە نێوان هەر سێ سەرۆکایەتییەکەدا بەهێز بکرێت لە هەمو بوارەکان و لە ئاست هەمو ئەو مەسەلانەی کە سروشت و هەلومەرجەکانی قۆناغەکە دەیسەپێنێت، هاوکات پێویستیی پتەوکردنی بنەماکانی دیالۆگ و قوڵکردنەوەی لە نێوان هەمو لایەنو    کوتلە سیاسییە پەرلەمانییەکاندا دوپاتکرایەوە بەو جۆرەی کە خزمەتی بەرژەوەندیی باڵای نیشتمانیی بکات لەم هەلومەرج و قۆناغە مێژوییە ناسکەدا.


Presedent

هەواڵی پەیوەندیدار

هەڵبژاردە

رۆژمێری چالاکیەکان