سەرۆک مەعسوم چاوی دەکەوێت بە سەرۆک وەزیری سوریا

2017/08/05
26 بینراو

سەرلەبەیانیی ئەمڕۆ شەممە ٢٠١٧/٨/٥ بەڕێز سەرۆک کۆمار دکتۆر فوئاد مەعسوم لە شوێنی مانەوەی لە تاران پێشوازیکرد لە ئەندازیار عیماد خەمیس سەرۆک وەزیری کۆماری عەرەبیی سوریا. 
لە دیدارەکەدا بەڕێز سەرۆک کۆمار ئاماژەیکرد بۆ قوڵیی پەیوەندیی برایانەی نێوان عێراق و سوریا بە تایبەتیی پەیوەندیەکانی بازرگانیی، پیشەسازیی و ئەو پەیوەندییە کۆمەڵایەتییانەی کە هەردو گەلی برا پێکەوە دەبەستێت. رونیشیکردەوە گەشەپێدانی ئەو پەیوەندییانە لە هەمو بوارەکاندا گرنگە.
هاوکات بەڕێزیان گرنگیی هاریکاریی هاوبەشی نێوان هەردو وڵاتی لە بواری لەناوبردنی تێرۆر دوپاتکردەوە ئەوەش لە رێی هەماهەنگیی هاوبەش بۆ راوەدونانی چەتەکانی داعشی تێرۆریست و لەناوبردنی یەکجارەکی بەڵای تێرۆر.
لای خۆیەوە سەرۆک وەزیری سوریا پیرۆزبایی سەرۆک بەشار ئەسەدی گەیاند بەسەرۆک مەعسوم بەبۆنەی رزگارکردنی شاری موسڵ لە چنگی تاقمی داعشی تێرۆریست و سەرکەوتن بەسەر تێرۆردا.
سەرۆک وەزیر خەمیس قوڵیی پەیوەندییەکانی نێوان کۆماری عێراق و کۆماری عەرەبیی سوریای خستە رو، ئامادەیی وڵاتەکەیشی دوپاتکردەوە بۆ فراوانکردنی ئاسۆی هاریکاریی هاوبەش لەنێوان هەردو وڵاتدا بەو جۆرەی خزمەتی بەرژەوەندییەکانی هەردو گەلی برا دەکات.


Presedent

هەواڵی پەیوەندیدار

هەڵبژاردە

رۆژمێری چالاکیەکان