‎پرسەنامەی سەرۆکایەتیی کۆمار بۆ کۆچی دوایی شانۆکاری گەورە فازیڵ خەلیل

2017/10/10
20 بینراو


‎رۆژی دوشەممە ٢٠١٧/١٠/٩، سەرۆکایەتیی کۆمار پرسە و سەرەخۆشیی دەربڕی بۆ کۆچی دوایی هونەرمەندی شانۆکاری گەورە دکتۆر فازیڵ خەلیل، پێگەی هونەرمەندی کۆچکردوی بەرز هەڵسەنگاندوە وەک هێمایەکی دیار لە بزوتنەوەی شانۆیی هاوچەرخی عێراقیی و عەرەبییدا.
‎نوسینگەی راگەیاندن لە سەرۆکایەتیی کۆمار کۆچی دوایی هونەرمەند فازیڵ خەلیل لە هەڕەتی داهێنان و بەخششی هونەری و ئەکادیمیی بە زیانێکی گورچکبڕ داناوە لە بزوتنەوەی شانۆیی هاوچەرخی عێراقیی و عەرەبیی، ئاماژەیشیکردوە بۆ پێگە تایبەتەکەی وەک نوێگەرێکی هونەری شانۆیی عێراقیی لەروی دەرهێنان و کارەکتەریی و پەروەدەکارییەوە، سەرباری بەخششە بەردەوام و پرشنگدارەکەی لە هونەری شانۆ و تەلەفزیۆن و سینەما و رادیۆییدا کە خاوەنی دەیان توێژینەوە و کتێبی زانستیی هونەرییە، گەرمترین پرسە و ماتەمینیشی پێشکەش بە خانەوادەی کۆچکردو و هاوکار و خوێندکارەکانی کردوە بۆ ئەو کۆستە بە ئازارە، داوای سەبوریی و خۆگریشیی کردوە بۆ کەسوکار و دۆستانی.
Presedent

هەواڵی پەیوەندیدار

هەڵبژاردە

رۆژمێری چالاکیەکان