‎پێشوازییەکی رەسمیی شکۆدار لە سەرۆک مەعسوم دەکرێت لە وارشۆ

2017/11/06
24 بینراو


‎ئەمڕۆ دوشەممە ٢٠١٧/١١/٦، لە کۆشکی کۆماریی لە وارشۆی پایتەختی پۆڵۆنیا پێشوازییەکی رەسمیی شکۆدار لە بەڕێز سەرۆک کۆمار دکتۆر فوئاد مەعسوم کرا بە ئامادەبونی ژمارەیەکی بەرچاوی گەورە لێپرسراوان لە ریزی پێشەوەیان بەڕێز ئەندرزج دودا سەرۆک کۆماری پۆڵۆنیا بوو. 
دوای مەراسیمی پێشوازیکردنەکە هەردو سەرۆک بە دوقۆڵیی کۆبونەوە و دۆسییە سەرەکییەکانی تایبەت بە پەیوەندیەکانی نێوان هەردو وڵاتی دۆستیا تاوتوێکرد.
‎لە کۆبونەوەیەکی رەسمیی بەرفراوانیشدا کە وەفدی هەردو وڵات ئامادەی بون گفتوگۆکرا لە بارەی پەیوەندییەکانی نێوان هەردو وڵات لە هەمو بوارەکان و دۆست و رێوشوێنەکانی بەهێزکردنیان لە پێناو خزمەتکردنی بەرژەوەندیی گەلی هەردو وڵاتدا.
لە کۆنگرەیەکی رۆژنامەیی هاوبەشیشدا دوای کۆبونەوەکە سەرۆک مەعسوم رونیکردەو، هەردولا رێکەوتن لەسەر گەشەپێدانی پەیوەندیی دوقۆڵییان لە هەمو ئاستەکاندا بە تایبەتی لە بواری هاریکاریی ئەمنیی و سەربازییدا لەگەڵ گەشەپێدانی بەشداریکردنی پۆڵۆنیا لە ئاوەدانکردنەوە و بوژانەوەی ژێرخانی عێراق و وەگەڕ خستنی سەرمایە و هاتنی کۆمپانیاکانی پۆڵۆنیا بۆ عێراق بە مەبەستی گەشەپێدانی پیشەسازییەکانی نەوت، گاز، وزەی کارەبا و کشتوکاڵ، ئەوەیشی خستە رو کە عێراق پێشوازیی دەکات لە شارەزایی و سەرمایەگوزاریی پۆڵۆنیا لەو روەشەوە هەمو زامن و ئاسانکارییەکیان پێشکەش دەکرێت بۆ کارکردنیان لە عێراقدا.
هاوکات بەڕێزیان ئاماژەیکرد بۆ قوڵیی ئەو پەیوەندییە مێژوییەی کە هەردو وڵاتی دۆست پێکەوە دەبەستێتەوە بۆیە پێویستە لە بوارەکانی وەک پیشەسازیی و بازرگانیی و کشتوکاڵیشدا قوڵتر بکرێنەوە. لە تەوەرەیەکی تردا سەرۆک مەعسوم ئاماژەیکرد بۆ نزیکبونەوەی بە تەواوی لەناوبردنی تاقمی داعشی تێرۆریست ئەویش دەرەنجامی قوربانییە زۆر زەوەندەکانی عێراقییەکان و بە هۆی یارمەتیدانی کۆمەڵی نێودەوڵەتی بە تایبەتی دەوڵەتانی بەشداربوی هاوپەیمانیی نێودەوڵەتیی دژ بە تێرۆر، کە پۆڵۆنیا یەکێک لەو دەوڵەتانەی.
سەرۆکی پۆڵۆنیاش قوڵیی پەیوەندیی دۆستانەی نێوان هەردو وڵات و ئامادەیی وڵاتەکەی دوپاتکردەوە بۆ گەشەپێدانیان لە بواکانی ئابوریی و سەربازیی و پەرەپێدانی پەیوەندییە دیپلۆماتییەکانی نێوان هەردولا، ئەوەیشی رونکردەوە کە پەیوەندییەکی بەهێزی مێژویی هەردو گەلی پۆڵۆنیا و عێراق پێکەوە دەبەستێتەوە ئاسۆیەکی فراوانیش لەبەردەمدایە بۆ گەشەپێدان و زیاتر قوڵکردنەوەی.
فەخامەتیان ئاماژەیشیکرد بۆ گرنگیی کاراکردنی رێککەوتنە دوقۆڵییەکانی عێراق و پۆڵۆنیا، گرنگیی بەرزکردنەوەی ئاستی ئاڵوگۆڕی بازرگانیی بۆ باڵاتر لە ئایندەدا دوپاتکردەوە، پشتیوانیی پۆڵۆنیاشی بۆ عێراق خستەرو کە بەلایەوە گرنگە ئاسۆی هاریکاریی هاوبەش لە هەمو بوارەکاندا فراوان بکرێت.


Presedent

هەواڵی پەیوەندیدار

هەڵبژاردە

رۆژمێری چالاکیەکان