سەرۆک کۆمار قانونی "بەنەمریی راگرتنی قوربانیانی شەهیدانی جەنگی دژی چەتەکانی داعشی تێرۆریست و بەخێرایی راپەڕاندنی مامەڵەکانیان و چاودێریی وردی بریندارەکانیان"ی پەسەند کرد

2017/11/30
18 بینراو


ئەمڕۆپێنج شەممە ٢٠١٧/١١/٣٠، بەڕێز سەرۆک کۆمار دکتۆر فوئاد مەعسوم قانونی "بە نەمریی راگرتنی قوربانیانی شەهیدانی جەنگی دژی چەتەکانی داعشی تێرۆریست و بەخێرایی راپەڕاندنی مامەڵەکانیان و چاودێریی وردی بریندارەکانیان"ی پەسەند کرد کە پێشتر ئەنجومەنی نوێنەران دەنگی لەسەر دابو.
لەو بارەیەوە نوسینگەی راگەیاندنی سەرۆکایەتیی کۆمار ئاماژەیکرد ئەو قانونە کە سەرۆک کۆمار پەسەندی کردوە بە پێی حوکمەکانی هەردو بەندی (یەکەم) لە مادەی (61) و بەندی (سێیەم) لە مادەی (73)ی دەستورە، ئامانجەکەشی دەستوبرد کردنە لە راپەڕاندنی مامەڵەی کەسوکاری شەهیدانی هێزە چەکدارەکان لە جەنگی پیرۆزی دژ بە چەتەکانی داعشی تێرۆریست و پێدانی مافە قانونییەکان لە ماوەیەکی دیاریکراودا، وەک دەقە قانونییە کارپێکراوەکان بۆی سەلماندون، ئەوەش وەک وەفایەکە بۆ شەهیدان و قوربانیدانەکانیان کە داستانی قارەمانێتیی و ئەمەکدارییان تۆمار کردوە لە پێناوی بەرگریی لە خاک و پیرۆزییەکان و کەرامەتدا، هاوکات هەوڵیش بدرێت بۆ دەستەبەرکردنی چاودێریی ورد و چارەسەری باشی بریندار و بەرکەوتو و خاوەن پێداویستییەکانیان.
نوسینگەکە سەرنجی ئەوەش داوە کە مادەی (2)، لە دەقەکەدا مەبەستی لە شەهیدی هەمو هێزە چەکدارەکان بە هەمو سنف و ریزەکانییانەوە ئەوەیە کە حەشدی شەعبیی و ئەوانەی کە لە ژێر چەتری هێزە چەکدارەکاندان بە پێشمەرگە و خۆبەخشی عەشاییر و ئەو هاوڵاتیە مەدەنییانەش دەگرێتەوە کە لەکاتی هەڵمەتەکانی بەرپەرچدانەوەی چەتە تێرۆریستەکاندا شەهید بون، دوای ئەوانیش ئەو کەسانە دێت کە لەکاتی پێشکەشکردنی پشتیوانیی لۆجیستیکیی و راگەیاندنکاران کە روماڵی هەڵمەتەکانیان کردوە شەهید بون، نوسینگەی راگەیاندن ئاماژەیشیکردوە قانونەکە رەوانەکراوە بۆ بڵاوکردنەوەی لە رۆژنامەی رەسمیدا.
Presedent

هەواڵی پەیوەندیدار

هەڵبژاردە

رۆژمێری چالاکیەکان