‎سەرۆک مەعسوم چاویدەکەوێت بە هادیی ئەلعامریی

2017/12/04
26 بینراو


ئێوارەی ئەمڕۆ دوشەممە ٢٠١٧/١٢/٤ بەڕێز سەرۆک کۆمار دکتۆر فوئاد مەعسوم لە بەغداد سەردانی بەڕێز هادی ئەلعامریی ئەمینداری گشتیی رێکخراوی بەدری کردو پێکەوە گۆڕانکارییە سیاسیی و ئەمنییەتی وڵاتیان باسکرد.
دیدارەکە پێویستیی بەهێزکردنی متمانەی نێوان هەولێر و بەغداد و بە زویی دەستپێکردنی دیالۆگی برایانەو بنیاتنەری تیادا دوپاتکرایەوە کە رێککەوتنی وایان لێبکەوێتەوە کە زامنی چارەسەرکردنی کێشەکانی ئێستا بکات بەو جۆرەی کە ماف و بەرژەوەندییەکانی هەمو هاوڵاتیان دەستەبەر بکات لەسەر بناغەی پرەنسیبەکانی دەستور، ئەوەش رونکرایەوە کە لەتوانادا هەیە سەرکەوتن لە روەوە بەدی بێت. دیدارەکە ستایشی ئیرادەی هەمو پێکهاتەکانی عێراقی کرد بۆ پێویستیی کارکردن لە پێناوی پاراستن و گەشەپێدانی دەستکەوتەکان و سەرکەوتنی ئەزمونی دیموکراسیی لە وڵاتدا.


Presedent

هەواڵی پەیوەندیدار

هەڵبژاردە

رۆژمێری چالاکیەکان