سەرۆک کۆمار چاوی دەکەوێت بە شێخ هومام حەمودیی

2017/12/07
20 بینراو


ئێوارەی ئەمڕۆ پێنج شەممە ٢٠١٧/١٢/٧ بەڕێز سەرۆک کۆمار دکتۆر فوئاد مەعسوم سەردانی سەماحەتی شێخ هومام حەمودیی جێگری یەکەمی سەرۆکی ئەنجومەنی نوێنەران و سەرۆکی ئەنجومەنی باڵای ئیسلامیی عێراقی کرد لە بەغداد و گۆڕانکارییە سیاسییەکانی وڵاتی لەگەڵدا باسکرد بە تایبەتیی کێشە هەنوکەییەکانی نێوان حکومەتی فیدراڵیی و حکومەتی هەرێمی کوردستان، سەرباری دۆسیەی هەڵبژاردنەکانی داهاتو.
دیدارەکە داخوازیی لایەنە پەیوەندیدارەکانی دوپاتکردەوە بۆ هەنگاونان بە ئاڕاستەی پتەوکردنی متمانە و دەست لە ناو دەستکردنی رۆڵەکانی یەک نیشتمان و رەخساندنی کەشوهەوایەک بۆ رەچاوکردن و گەڕاندنەوەیەکی بەهێزی هەوراز خستنی لێک تێگەیشتن و هاریکاریی و رەواندنەوەی مەترسییەکان، ئەوەش پێویستی بە هەرچی زوتری دەستپێکردنی دیالۆگێکی سەرتاسەریی و دڵسۆزانە و بنیاتنەرە بە ئامانجی رێککەوتنێکی تۆکمە کە رێگە خۆش بکات بۆ یەکلاییکردنەوەی هەمو ئەو کێشانەی ئێستا لە ئارادان و بەرژەوەندیی و کەرامەتی تەواوی هاوڵاتیانی عێراق بپارێزێت.
دیدارەکە گرنگیی چاوخستنە سەر بەڕێوەچونی هەڵبژاردنەکانی داهاتوی بە پێویست زانی لە وادەی دەستوریی خۆیاندا بە هەڵبژاردنی هەمو ئەنجومەنی پارێزگاکانیشەوە، لەو بارەیەشەوە داوا لە ئەنجومەنی نوێنەران کرا ئەو قانونانە دەربکات کە پەیوەستن بەو دۆسیەیەوە و دەبنە مایەی بە هێزکردنی کاری دامەزراوەکانی دەوڵەت و گەشە دەدەن بە پرۆسەی سیاسیی لە وڵات و یەکڕیزیی نیشتمانییش دەپارێزێت.
هاوکات شێخ هومام حەمودیی ستایشی هەوڵەکانی سەرۆک مەعسومی کرد کە بە ئامانجی پتەوکردنی متمانە و هاریکاریی لە نێوان حکومەتی فیدراڵیی و حکومەتی هەرێمی کوردستان خستویەتییەگەڕ بۆ دەستپێکردنی دیالۆگی بنیاتنەر کە ببێتە مایەی و سڕینەوە و کۆتایهێنان بە قەیرانی ئێستا.


Presedent

هەواڵی پەیوەندیدار

هەڵبژاردە

رۆژمێری چالاکیەکان