سەرۆک مەعسوم سەرۆکایەتیی کۆبونەوەیەکی سیاسیی دەکات دەربارەی هەڵبژاردنەکانی داهاتو

2017/12/20
36 بینراو

سەرلەبەیانیی ئەمڕۆ چوارشەممە ٢٠١٧/١٢/٢٠ لە کۆشکی سەلام لە بەغداد کۆبونەوەیەک بەڕێوەچو بە سەرۆکایەتیی بەڕێز سەرۆک کۆمارو بەئامادەبونی دکتۆر سەلیم جبوریی سەرۆکی ئەنجومەنی نوێنەران و دکتۆر مەدحەت ئەلمەحمود سەرۆکی دادگای باڵای فیدراڵیی و بەڕێزان نوری مالکی و ئەیاد عەلاوی و ئوسامە نوجەیفیی جێگرانی سەرۆک کۆمار و ئارام شێخ محەمەد جێگری سەرۆکی ئەنجومەنی نوێنەران و ژمارەیەک لە سەرکردەو نوێنەرانی پارت و فراکسیۆنەکانی پەرلەمان ئەوانیش سەماحەتی سەید عەمار حەکیم و بەڕێز ساڵح موتڵەگ و بەڕێز هادی عامریی و بەڕێز زیائ ئەسەدیی بون.
کۆبونەوەکە تاوتوێکردنی لایەنە جیاجیا پێویستەکانی تیادا چڕکرایەوە بۆ سازکردنی باشترین کەشوهەوای ئامادەسازیی بۆ هەڵبژاردنەکانی داهاتو. بەشداربوانی کۆبونەوەکە هاندان و داواکارییان دوپاتکردەوە بۆ لایەنە حکومیی و پەرلەمانییەکان و کۆمیسیۆنی باڵای هەڵبژاردنەکان بۆ تەواوکردنی هەمو پێداویستییەکانی پرۆسەی هەڵبژاردنەکان و خۆشکردنی زەمینە و هەلومەرجی پێویست بۆ سەرخستنیان بەو جۆرەی کە جەخت بکرێتەوە لەسەر پابەندبون بە دەستور و قانونە پەیوەندیدارەکان.


Presedent

هەواڵی پەیوەندیدار

هەڵبژاردە

رۆژمێری چالاکیەکان