سەرۆک مەعسوم پێشوازیی دەکات لە وەزیری وزەی جەزاییر

2018/01/08
16 بینراو

سەرلەبەیانیی ئەمڕۆ دوشەممە ٢٠١٨/١/٨ بەڕێز سەرۆک کۆمار دکتۆر فوئاد مەعسوم لە کۆشکی سەلام لە بەغداد پێشوازیکرد لە بەڕێز مستەفا قەیتونیی وەزیری وزەی جەزاییر و وەفدی هاوڕێی، لە دیدارەکەدا کە بەڕێز جەبار لعێبیی وەزیری نەوت ئامادەی بو، سەرۆک مەعسوم گرنگیی ئاڵوگۆڕکردنی شارەزاییەکانی هەردولای خستەڕو لە هاریکاریکردن بۆ نرخی نەوت لە بازاڕەکانی جیهاندا، هاوکات دوپاتیکردەوە کە عێراق بەلایەوە باشە سود لە شارەزاییەکانی جەزاییر وەربگرێت لە بواری گەشەپێدانی پیشەسازییەکانی نەوت و بەهێزکردنی ئاستی هەماهەنگیی لە چوارچێوەی رێکخراوی دەوڵەتانی هەناردەکاری نەوت (ئۆپیک).
لە تەوەرەیەکی تردا بەڕێزیان رونیکردەوە، عێراقییەکان سورن لەسەر هەنگاونان بەرەو قۆناغی بنیاتنان و ئاوەدانکردنەوە لەدوای تێکشکاندنی تاقمی داعشی تێرۆریست و رزگارکردنی ئەو ناوچانەی کە لە بن چنگیدابون، بەردەوامیشن لەسەر کارکردنی بنیاتنانی عێراقێکی ئازادی دیموکراتی فیدراڵیی گەشەسەندو، بە وەفدەکەشدا سڵاوی خۆی نارد بۆ سەرۆکی جەزاییر عەبدول عەزیز بۆتەفلیقەو داوای لەشساغیی بۆ کرد.
لای خۆشیەوە وەزیری وزەی جەزاییر کە سڵاو و پیرۆزبایی سەرۆکی جەزاییری گەیاند بە سەرۆک مەعسوم بە بۆنەی سەرکەوتنەکانی عێراق بەسەر تێرۆردا پشتیوانیی تەواوی وڵاتەکەی بۆ عێراق دوپاتکردەوە لە جەنگەکەیدا دژی تێرۆر و ئامادەیی تەواو بۆ گەشەپێدان و فراوانکردنی هاریکاریی لە بواری نەوت دا، لەو روەوە ئاماژەیکرد بۆ بایەخی هەماهەنگیی نێوان هەردو وڵات لە بارەی رێوشوێنەکانی پشتیوانیکردنی نرخی نەوت لە بازاڕەکانی جیهاندا.


Presedent

هەواڵی پەیوەندیدار

هەڵبژاردە

رۆژمێری چالاکیەکان