سەرۆك كۆمار پرسەنامەیەك ئاراستەی كەسوكاری خوالێخۆشبوو دادوەری محەمەد عوڕەیبی كرد

2021/04/02


سەرۆك كۆمار د. بەرهەم ساڵح، ئەمڕۆ هەینی ٢٠٢١/٤/٢ پرسەنامەیەكی ئاراستەی كەسوكاری خوالێخۆشبوو دادوەری محەمەد عوڕەیبی كرد.

دەقی پرسەنامەكە:

بەداخ و پەژارەوە هەواڵی كۆچی دوایی خوالێخۆشبوو (دادوەر محەمەد عوڕەیبی)مان پێگەیشت، كە ساڵانێكی دوور و درێژ خزمەتێكی زۆری لە بواری دادوەری و یاساییدا بە وڵات و نیشتمان كردووە، ھاوکات كۆچكردوو رۆڵێكی بەرچاو و دیاری هەبوو لە دادگاییكردنی سەرانی ستەمكار و دیكتاتۆریەت بەهۆی تاوانە قێزەونەكانیانەوە، كە دەچنە خانەی تاوانی دژ بە مرۆڤایەتی و دەستیان بە خوێنی عێراقییەكان سور ببوو.

بەم بۆنە خەمبارەوە، پرسە و سەرەخۆشی خۆم ئاراستەی بنەماڵەی كۆچكردوو و ناوەندە دادوەری و یاساییەكانی وڵات دەكەم، داواكارم لە پەروەردگاری مەزن رەحمەت و بەزەیی خۆی بەسەر دادوەری  كۆچكردوودا بڕێژێت و جێگەی بەهەشتی بەرین بێت، ھەروەھا ئومێدەوارم یەزدانی مەزن سەبر و ئارامی بە كەسوكار و خۆشەویستانی ببەخشێت.

انا لله وانا اليه راجعون.

بەرهەم ساڵح 
سەرۆك كۆماری عێراق

Presedent

هەڵبژاردە