سەرۆك كۆمار تەقینەوە تێرۆریستییەكەی شەقامی (ئەلجری) سەنتەری قەزای هیت ئیدانە دەكات

2017/06/07


نوسینگەی بەڕێز سەرۆك كۆمار دكتۆر فوئاد مەعسوم پەلامارە خۆكوژییەكەی ئێوارەی رۆژی سێشەممە بە توندیی ئیدانە كرد كە لە شەقامی (ئەلجری) لە سەنتەری قەزای هیتی سەر بە پارێزگای ئەنبار كرایە سەر خەڵكی مەدەنیی، ماتەمینیی قوڵی خۆی دەربڕیوە كە ژمارەیەكی زۆری شەهید و بریندار لەو پەلامارە تاوانكارییە ترسنۆكانەیە كەوتۆتەوە.
نوسینگەی سەرۆك كۆمار لە بەیانێكدا ئێوارەی سێشەممە ٢٠١٧/٦/٦ رایگەیاندوە، بەرپرسیارانی ئەم پەلامارە تاوانكارییە سەرلەنوێ دوپاتی دەكەنەوە دورن لە سادەدەترین پێودانگی مرۆیی و رەوشتیی، ترسنۆكیشییان دەسەلمێنێت كە مناڵ و هاوڵاتییانی مەدەنیی بێ دیفاع دەكەنە مەرامی تاوانە قێزەونەكانیان.
هاوكات نوسینگەكە پرسە و ماتەمینیی بەڕێز سەرۆك كۆماری گەیاندوە بە كەس و كاری شەهید و بریندارانی پەلامارەكە، داوایشی لە كاربەدەستانی ئەمنیی پەیوەندیدار كردوە زیاتر چاوكراوەبن بۆ دەستگیركردنی بەرپرسیارانی ئەم پەلامارە تێرۆریستییەو پەلامارە تێرۆریستییەکانی تر کە بەم دواییە سەریان هەڵداوەتەوە.
Presedent

هەواڵی پەیوەندیدار

هەڵبژاردە

رۆژمێری چالاکیەکان