وتاری سه‌رۆك كۆمار دكتۆر به‌رهه‌م ساڵح له‌ ئاهه‌نگی یادی دامه‌زراندنی ئه‌نجومه‌نی باڵای ئیسلامییدا

2018/10/13


ئه‌مڕ‌ۆ شه‌ممه‌ ٢٠١٨/١٠/١٣ به‌ڕ‌ێز سه‌رۆك كۆمار دكتۆر به‌رهه‌م ساڵح له‌ به‌غداد له‌ رێوڕ‌ه‌سمی یادی دامه‌زراندنی ئه‌نجومه‌نی باڵای ئیسلامیی عێراق دا وتارێكی پێشكه‌ش كرد، ئه‌مه‌ش ده‌قی وتارەکەیە: 

"به‌ ناوی په‌روه‌ردگاری به‌خشنده‌ و میهره‌بانه‌وه‌
خوشكان و برایانی ئاماده‌ بو سڵاوی خوداتان لێ بێت،
به‌ خۆشحاڵیی و شانازییه‌وه‌ له‌م بۆنه‌ شكۆیه‌دا بۆتان ده‌دوێم كه‌ له‌گه‌ڵ یادكردنه‌وه‌ی ساڵانه‌ی له‌دایكبونی ئه‌نجومه‌نی باڵای ئیسلامیدا به‌ نه‌وازشه‌وه‌ سه‌ركردایه‌تییه‌ دامه‌زرێنه‌ره‌كه‌ی به‌ بیر دێنینه‌وه‌ كه‌ خۆی ده‌بینێته‌وه‌ له‌ سه‌ماحه‌تی شه‌هیدی میحراب ئایه‌توڵا عوزما سه‌ید محه‌مه‌د باقر حه‌كیم (خودا لێی خۆش بێت) و هه‌ڵگری ئاڵای سه‌ركردایه‌تیی ئه‌نجومه‌ن و برا و هاورێبازه‌كه‌ی عه‌بدولعه‌زیز حه‌كیم "عه‌زیزی عێراق" (خودا لێی خۆشبێت) و برایانی تر له‌ زانایان و سه‌ركردایه‌تییه‌كه‌ی كه‌ له‌سه‌ر ده‌ستی ئه‌وان ئه‌م رێكخراوه‌ موجاهیده‌ و رێكخراوه‌كانی تر هاتنه‌ مه‌یدان بۆ سه‌ركه‌وتنی گه‌له‌كه‌مان به‌سه‌ر زۆرداریی و رژێمی دیكتاتۆریی له‌ناوچو.
له‌گه‌ڵتاندا یادی كۆچكردوی مه‌زن مام جه‌لال و هاوڕ‌ێان و هاوپه‌یمانه‌كانی ترتان له‌م كاروانه‌دا به‌ بیر دێنینه‌وه‌ كه‌ "به‌راستیی" نمونه‌یه‌كی دره‌وشاوه‌ی به‌رگریی و سوربون له‌سه‌ر هه‌ق و سه‌ركه‌وتنی چه‌وساوه‌یی و به‌ش خوراویی گه‌له‌كه‌مان و تێپه‌ڕ‌اندنی هه‌لومه‌رجی ئه‌و كاته‌نە بون كه‌ عێراقی تیادا بو.
له‌كاتێكدا كه‌ گه‌رمترین پیرۆزبایی پێشكش‌ ده‌كه‌ین به‌ برایان و خوشكان له‌ ئه‌نجومه‌ن و سه‌ركردایه‌تیی و جه‌ماوه‌ره‌كه‌ی، هەروەها ئه‌و قوربانیدانه‌ گه‌ورانەشیان به‌رز ده‌نرخێنین كه‌ سه‌ركردایه‌تیی ئه‌نجومه‌نی باڵای ئیسلامیی و موجاهید و لایه‌نگره‌كانی به‌ درێژایی ساڵانی خه‌بات دژی حوكمی داپڵۆسین و زۆرداریی دیكتاتۆر پێشكه‌شیان كردوه‌ له‌ پێناوی ئامانجه‌ نیشتمانییه‌ به‌هاداره‌كان. به‌ چاوی شانازییشه‌وه‌ ده‌ڕ‌وانینه‌ رۆڵی پێشه‌نگ و زیندوی ئه‌نجومه‌نی باڵای ئیسلامیی له‌ پرۆسه‌ی بنیاتنانی سیستەمی دیموكراسیی فیدراڵیی له‌ دوای روخاندنی رژێمی خۆسه‌پێنه‌ر و دیكتاتۆر. سه‌رباری به‌شداریی به‌رچاوی له‌ به‌رز كردنه‌وه‌ی وره‌ و تواناكانی گه‌له‌كه‌مان بۆ تێكشكاندنی چه‌ته‌كانی داعشی تێرۆریست و پاككردنه‌وه‌ی وڵاتمان له‌ تاوان و پیسییان .
ئه‌و كاروانی خه‌باته‌ رۆشنه‌ و قوربانیدانه‌ به‌رچاوه‌كانی ئه‌نجومه‌نی باڵا شانبه‌شانی هێزه‌ عێراقییه‌ نیشتمانییه‌كانی تر، په‌ی بردنێكی راسته‌قینه‌ بو بۆ پێویستی هه‌نگاونانی شێلگیرانه‌ له‌ پێناوی به‌دیهێنانی خواسته‌كانی گه‌له‌كه‌مان له‌ ئاسایش و پێشكه‌وتن و تاوسه‌ندندا. چه‌نده‌ كۆسپ و ئاسته‌نگه‌ به‌ میرات به‌جێماوه‌كان و هه‌نوكه‌ییه‌ كان له‌ ئارادا بوبن، چه‌نده‌ پرۆسه‌ی سیاسیی روبه‌ڕ‌وی ئاڵنگاریی و هه‌ندێك جاریش ململانێی توندیش بوبێته‌وه‌ نه‌بونه‌ته‌ كۆسپ له‌ رێی پێشكه‌وتنی فیعلیی بۆ چه‌سپاندنی پایه‌كانی ده‌وڵه‌تی نوێی عێراق.
بریان و خوشكانم له‌ ئه‌نجومه‌ن، بۆتان هه‌یه‌ شانازی بكه‌ن به‌وه‌ی به‌ده‌ستان هێناوه‌و پێشه‌كه‌شتان كردوه‌ بۆ وڵات له‌میانه‌ی ئه‌و كاروانه‌ دورودرێژه‌دا. هه‌روه‌ك هێزه‌ سیاسییه‌ نیشتمانییه‌كانی تریش شانازیی بكه‌ن به‌وه‌ی پێشه‌كه‌ش یان كردوه‌ به‌ گه‌ل له‌ پێناوی بنیاتنانی ده‌وڵه‌تی نوێ و به‌ره‌نگا ربونه‌وه‌ی سه‌ركوتكردن، ئێمه‌ش شانازی ده‌كه‌ین به‌و ده‌ستكه‌وتانه‌ی له‌ قۆناغه‌كانی پێشودا به‌ده‌ستهاتون (به‌ڵام وه‌ك شێخ هه‌مام حه‌مودی فه‌رمویان) (له‌گه‌ڵ شانازیی زۆردا) نابێت ئه‌و ئاسه‌واره‌ مه‌ترسیدار و خراپانه‌ فه‌رامۆش بكه‌ین یا له‌ بیر بكه‌ین كه‌ سیستمی حوكم پێوه‌ی ده‌ناڵێنێت، ئه‌وه‌ی به‌سره‌، كه‌ خه‌ڵكی به‌سره‌ گیرۆده‌ی بون ناونیشانێكی ئاشكرای ئه‌و هه‌ڕ‌ه‌شانه‌یه‌ كه‌ روبه‌ڕ‌ومان ده‌بێته‌وه‌. نابێت سه‌ركرده‌كانی ئه‌م وڵاته‌ هه‌ر شانازییی بكه‌ن به‌وه‌ی كه‌ له‌ رابردودا به‌ده‌ستیان هێناوه‌ و هه‌ر شانازیی بكه‌ین به‌ قوربانیدانه‌كانمان و ئه‌وه‌ی پێشكه‌شمان كردوه‌ به‌ گه‌له‌كه‌مان. بەڵکو گه‌ل راپه‌ڕ‌اندنی باشتری ئه‌ركه‌كانی ده‌وێت و شایستیه‌ی زیاتره‌ له‌وه‌ی ئه‌مڕ‌ۆ پێشكه‌شی ده‌كرێت.
به‌ركه‌وت و ئه‌ركی گه‌وره‌ ترمان له‌به‌ر ده‌مدایه‌ ،په‌یامه‌ی هه‌ڵبژاردنه‌كانی پێشو، په‌یامی به‌سره‌ و موسڵ و ئه‌ركه‌كانی ئاوه‌دانكردنه‌وه‌ و گه‌ڕ‌اندنه‌وه‌ی ئاواره‌کان و پێداویستی هاوڵاتییان كه‌ لانی كه‌می خزمه‌تگوزاریی و حوكمی ره‌شیدن، پەیام بەهه‌موان ده‌گەیەنێت باشتر ئه‌ركه‌كان رابپه‌ڕ‌ێنین. بۆیە پێویستە ده‌ستبه‌رداری ئەو ده‌سته‌واژه‌كانەبین كه‌ به‌سه‌ر كاری سیاسییماندا زاڵ ببو له‌ رابردودا. ئێستا له‌به‌ر ده‌م حكومه‌تێكی نوێ و قۆناغێكی نوێداین، داوا له‌ هێزه‌ سیاسییه‌كان ده‌كه‌م هاریكاریی دكتۆر عادل عه‌بدولمه‌هدیی سه‌رۆك وه‌زیری راسپێراو بكه‌ن تا كۆتایی بهێنێت، به‌ ئه‌ركه‌كانی له‌ پێكهێنانی حكومه‌تێك کە به‌رژه‌وه‌ندییه‌كانی گه‌لی عێراق ره‌چاو بكات، حكومه‌تێك خزمه‌تكاری ئه‌م وڵاته‌ بێت، (به‌دڵنیاییه‌وه‌) حكومه‌تێك پێویسته‌ نه‌خشه‌ی سیاسیی و به‌ركه‌وته‌ سیاسییه‌كان ره‌چاو بكات، به‌ڵام (به‌دڵنیایشه‌وه‌) نابێت وه‌ك رابردو هه‌ر پشت ببه‌ستین به‌ موحاسه‌سه‌ی سه‌پێنراو كه‌ زره‌ره‌ مه‌ندی گه‌وره‌ هاوڵاتیی عێراق و بێ ئۆقره‌یی ئه‌م وڵاته‌ بوە.
هاوڵاتیی عێراق ورد ده‌بێته‌وه‌ و چاودێریی ده‌كات، ره‌نگه‌ گه‌ش بینی یه‌ك له‌ ئارادا بێت بۆ قۆناغی ئاینده‌، ئه‌م گه‌ش بینیی و پشتیوانیی و ئه‌م دان به‌خۆدا گرتنه‌ی عێراقییه‌كان نابێت وەک زامنێكی هه‌میشه‌یی و بۆ هه‌تایی سه‌یری بكه‌ین، چونکە عێراقییه‌كان گۆڕ‌انكاریی به‌رچاویان ده‌وێت له‌ رێبازی حوكم و راپه‌ڕ‌اندنی ئه‌ركه‌كان و كارگێڕ‌یی و پێشكه‌ش كردنی خزمه‌تگوزارییه‌كان و به‌گژاچونه‌وه‌ی گه‌نده‌ڵیی باو له‌ جومگه‌كانی ده‌وڵه‌تدا.
بێگومان ئه‌م ده‌ستكه‌وتانه‌ به‌ ئاسانی به‌ده‌ست نه‌هاتون و پێویسته‌ له‌سه‌ر مان یه‌كڕ‌یزیی راسته‌قینه‌ به‌هێز بكه‌ین له‌ نێوان هێزه‌ گرنگه‌كانی ئه‌م گه‌له‌دا له‌ پێناوی سه‌ركه‌وتنی ئه‌م گۆڕ‌انكارییه‌ چاوه‌ڕ‌وانكراوه‌دا.
پێویسته‌ به‌ جدیی هه‌وڵ بده‌ین بۆ پابه‌ند بون به‌ ده‌ستور وه‌ك مه‌رجه‌عیه‌تییه‌ك كه‌ تواناكانی بنیاتنانی وڵاتێك بۆ هه‌موان بێ جیاوازی زامن بكات، كار بكرێت بۆ كارا كردنی رێزگرتنی فره‌یی وه‌ك بناغه‌یه‌ك بۆ مافه‌كان و ئازادییه‌ دیموكراسیی و مه‌ده‌نییه‌كان، وەدەبیت وه‌ك زامنێكی پاراستنی مافی هه‌موان بێ جیاكردنه‌وه‌ و به‌ یه‌كسانیی شه‌ریك و هاوبه‌ش بن. هاوبەش بن له‌ نیشتمان و چاره‌سه‌ركردنی كه‌موكورتیی هه‌ڵه‌كاندا و پێكه‌وه‌ كار بكرێت له‌ بونیاد نانی ئاینده‌ و به‌دیهێنانی ئامانجه‌ هاوبه‌شه‌كاندا.
ئه‌م ده‌ستكه‌وت و به‌ركه‌وته‌ نێوخۆییانه‌ به‌ ئاسانیی به‌دی نه‌هاتون به‌ تایبه‌تی له‌سه‌ر و به‌ندی ئه‌م بارودۆخه‌ نێوده‌وڵه‌تیی و ناوچه‌ییه‌دا، كه‌ كار ده‌كاته‌ سه‌ر باری نێوخۆیی عێراق.
پێویسته‌ سه‌ربكه‌وین له‌پێناوی رێزگرتنی سه‌روه‌ریی و به‌رژه‌وه‌ندییه‌كانی عێراقدا، عێراقیش ببێته‌ خاڵی سه‌رله‌نوێ ئۆقره‌یی ئه‌م ناوچه‌یه‌ و كۆتایی هێنان به‌ گرژییه‌كان تیایدا.
عێراق له‌رێی جیهادی گه‌له‌كه‌ی و قورباندیان و كاری دامه‌زراوه‌ سه‌ربازیی و ئه‌منییه‌كانی ئه‌م وڵاته‌وه‌ له‌ سوپا و حه‌شد و پێشمه‌رگه‌ و حه‌شدی عه‌شاییره‌كان و هێزه‌كانی ترییه‌وه‌، ‌توانا و ئازایه‌تیی خۆی سه‌لماند له‌ تێكشكاندنی سه‌ربازیی تێرۆردا. نابێت ئه‌م ده‌ستكه‌وتانە به‌ هه‌ند وه‌رنه‌گیرێت. نابێت عێراق قبوڵ بكات و رێگه‌ بدات سه‌رله‌نوێ تێرۆر بگه‌ڕ‌ێته‌وه‌، نابێت ئه‌م ناوچه‌یه‌ سه‌رله‌نوێ تاوانه‌كانی گه‌ڕ‌اندنه‌وه‌ی تێرۆری بخرێته‌وه‌ ئه‌ستۆ.
ده‌مانه‌وێت وڵاته‌كه‌مان، وادیی رافیده‌ین، عێراق ببێته‌ سه‌نته‌ر و خاڵی سیستمیی ئه‌منیی و سیاسیی نوێ له‌ ناوچه‌كه‌ دا، بناغه‌كه‌یشی هاریكاریی و هاوكاریی نێوان گه‌لانی ئه‌م ناوچه‌یه‌ بێت بۆ تێكشكاندنی تیرۆر و ته‌كفیریی و توندڕ‌ه‌ویی. ببێتە سه‌ركه‌وتن به‌ره‌وه‌ دابینكردنی به‌رژه‌وه‌ندیی هاوبه‌شی ئابوریی و سیاسیی.
من گه‌شبینم به‌ ئاینده‌ چونكه‌ چه‌ندین قۆناغی دژوارمان بینی و تێپه‌ڕ‌اند، ئێوه‌ش پیاوان و خه‌باتگێڕ‌ه‌كانی عێراقن. قوربانیتان داوه‌ له‌ پێناوی سه‌ركه‌وتن به‌سه‌ر سه‌ركوتكردن و تێرۆردا، ئه‌م گه‌له‌ كه‌ به‌خششی داوه‌ ده‌توانێت روبه‌ڕ‌وی ئه‌م ئاڵنگارییانه‌ ببێته‌وه‌، ئومێدم به‌ برایان و هاوڕ‌ێیانمان له‌ ئه‌نجومه‌نی باڵایه‌، هەر وه‌ك پێشتریش ئومێدمان پێیان بوه‌ و پێشه‌نگ و پێشڕ‌ه‌وی پشتیوانیكردن بن له‌م پرۆژه‌ نیشتمانییه‌ی كه‌ پشت به‌ ده‌ستور ده‌به‌ستێت و مه‌به‌ستێتی عێراق ئارام بێت له‌گه‌ڵ گه‌له‌كه‌ی و دراوسێكانیدا، عێراق نمونه‌ی ئاشتیی و ته‌بایی بێت له‌ ناوچه‌كه‌دا.

زۆر سوپاس و دوباره‌ یادێكی پیرۆز.


Presedent

هەواڵی پەیوەندیدار

هەڵبژاردە

رۆژمێری چالاکیەکان