سەرۆك كۆمار پرسەی ماتەمی بە عێراقیەكان دەگەیەنێت بۆ ساڵیادی كۆچی دوای ئیمام موسا كوڕی جەعفەر ئالكازم (سەلامی خوای لەسەر بێت)

2020/03/20


سەرۆك كۆمار د. بەرهەم ساڵح ئەمڕۆ هەینی ٢٠٢٠/٣/٢٠ پرسەی ماتەمی بە عێراقیەكان دەگەیەنێت بۆ ساڵیادی كۆچی دوای ئیمام موسا كوڕی جەعفەر ئالكازم (سەلامی خوای لەسەر بێت).

ئەمەش دەقی پرسە نامەكەیە:

ئەمڕۆ ساڵیادی شەهیدبونی ئیمام موسا كوڕی جەعفەر ئالكازم (سەلامی خوای لێبێت) دەكەینەوە.
ئەم بیرەوەرییە ئیلهامان دەداتێ‌ كە بەژیری و دان بەخۆدا گرتن فێر بین و بەرگەی ئاستەنگەكان بگرین و سوریش بین لەسەر پابەندبون بە راستگۆیی و خێر و ئاشتی، هەروەها پەیوەستیش بین بەو پرەنسیبانەوە.

موسڵمانان لە عێراق و تەواوی جیهانی ئیسلامی ئەم ساڵیادە نەمرە دەكەنەوە لە پێناوی زیاتر دەستگرتن بە بەها پیرۆزەكان كە ئیمام كازم (سەلامی خوای لێبێت) قوربانی زۆری لە پێناو داوە.

لەم ساڵدا عێراقیەكان ئەم بیرەوەرییە لە بارودۆخێكی تەواو ئاڵۆز و پڕ ئاڵەنگاری دەكەنەوە، كە ترسناكترینیش لەو ئاڵەنگارییانە رووبەرووبونەوەی پەتای كۆرۆنایە كە مەترسیەكی گەورەی بۆ تەواوی مرۆڤایەتی دروست كردوە، و پێویستیشی بە هەوڵی زیاتری هەمو لایەكە لە دەوڵەت و دامەزراوە نێودەوڵەتی و دەسەڵاتداران و گەلان بۆ ئەوەی بەر بەم پەتایە بگرن.

ئەم ئاڵەنگارییە ناچارمان دەكات كە بەو پەڕی بەرپرسیارییەتی گەورەوە مامەڵەی لەگەڵدا بكەین تا بتوانرێت ژیانی هەزاران و ملیۆنان كەس لە ناوچە جیاجیاکانی جیهان لەم ئافاتی پەتایە بپارێزرێت.

گەلی عێراقمان كە بە ئازایەتیی و دان بەخۆداگرتن و ئارامی رووبەرووی زۆری ئاڵەنگارییەكان بۆتەوەو دەتوانێ بەشداری ئەو بەرپرسیاریەتی پاراستنەش بكات كە كۆمەڵی نێودەوڵەتی خستویەتیە سەر شانی و پابەند و پەیوەست بێت بەو رێكارانەی كە دەسەڵاتدارانی تەندروستی سەپاندویانە و تاكو وڵاتەكەمان و گەلەكەمان ئەم پەتایە بە كەمترین زیان تێپەڕێنێت.

با ساڵیادی شەهیدبونی ئیمام كازم (سەلامی خوای لێبێت) بەرگریكار و پارێزەری یەكڕیزی هەموان بێت كە پشتیوانی لە هەوڵەكانی دەوڵەت و دامەزراوە تەندروستیەكان بكات.

نزاو پارانەوەكانمان لەم یادە شكۆیەدا بۆ ئەوەیە كە پەروەردگار عێراق و كۆمەڵی مرۆڤایەتی بپارێزێت لە كاتێكدا لە بەردەم مەترسی ئەم پەتایەدایە.

والحمد لله رب العالمین، وبه نستعین.

بەرهەم ساڵح
سەرۆك كۆمار
Presedent

هەواڵی پەیوەندیدار

هەڵبژاردە

رۆژمێری چالاکیەکان