سەرۆك كۆمار پێشوازیکرد لە سەرۆکی ئەنجومەنی دادگای باڵا

2020/06/02


سەرۆك كۆمار د. بەرهەم ساڵح، ئەمڕۆ سێشەممە ٢٠٢٠/٦/٢ لە کۆشکی سەلام لەبەغدا، پێشوازیکرد لە سەرۆکی ئەنجومەنی دادگای باڵا، دادوەر فایەق زەیدان.

لە میانی دیدارەکەدا باس لە رۆڵی دادگای عێراق کرا لە بەرجەستەکردنی دادپەروەری و چەسپاندنی یاسا لە چوارچێوەی یەکلاکردنەوەی دۆسییەکانی گەندەڵی و سزادانی سەرپێچیکاران بۆ سەر سامانی گشتی، ھاوکات دووپاتکرایەوە لەگرنگی هاریکاری نێوان هەرسێ دەسەڵاتەکەی وڵات، بۆ پێداچوونەوە بە یاساکانی جێبەجێکار و کارکردن بۆ ئامادەکردنی یاسا و داڕشتنی یاساکان کە بۆ قۆناغی داهاتوو پێویستە.

هەروەها جەختیشکرایەوە لەسەر بنەمای جیاکردنەوەی دەسەڵاتەکان و پێشکەشکردنی پشتیوانی تەواو بۆ سەربەخۆیی دادگا، بەجۆریک کە دادپەروەری کۆمەڵایەتی بهێنێتەدی.
Presedent

هەواڵی پەیوەندیدار

هەڵبژاردە

رۆژمێری چالاکیەکان