سەرۆك كۆمار پێشوازیکرد لە سەرۆکی دیوانی وەقفی سونی

2020/06/10


سەرۆك كۆمار د. بەرهەم ساڵح، ئەمڕۆ چوارشەممە ٢٠٢٠/٦/١٠ لە کۆشکی بەغداد، پێشوازیکرد لە سەعد کەمبش سەرۆکی دیوانی وەقفی سونی.

لە دیدارەکەدا سەرۆک کۆمار جەختیکردەوە لەگرنگی بەهێزکردنی بەهاکانی لێبوردەیی و پێکەوەیی لە نێوان گشت رۆڵەکانی گەلی عێراق و بەگژداچوونەوەی توندڕەوی بەھەموو شێوەکانی، بەئامانجی ئەوەی نەوەیەکی ھۆشیار بێتەکایەوە کە بتوانێ بەرپرسیارێتی قوناغەکە ھەڵبگرێت. 

ھەر لە دیدارەکەدا سەرۆک بەرهەم، ئاماژەیکرد بە رۆڵی پیاوانی ئاینی لەگرنگیدان بە پاراستنی یەکڕیزی نیشتمانی و پێکەوە ژیانی ئاشتیانە لە نێوان ھەموو پێکهاتەکانی کۆمەڵگەدا، ھاوکات بەبایەخەوە باسی لە بەشداریکردنی کەسایەتییە ئاینییەکانی کرد لەبڵاوکردنەوەی ھۆشیاری لە قۆناغی ئێستادا بەتایبەتی کە وڵات رووبەڕووی بڵاوبوونەوەی پەتای کۆرۆنا بووەتەوە.   

لەلای خۆیەوە، سەرۆکی وەقفی سونی هەوڵەکانی سەرۆک کۆماری بەرزنرخاند، لە بەهێزکردنی یەکڕیزی نیشتمانی لە نێوان پێکھاتەکانی گەلی عێراقدا، کە دەبێتە ھۆی ھێنانەکایەوەی ئاسایش و سەقامگیری و خۆشگوزەرانی لە وڵاتدا.
Presedent

هەواڵی پەیوەندیدار

هەڵبژاردە

رۆژمێری چالاکیەکان