سەرۆك كۆمار پێشوازیکرد لە بریکاری وەزارەتی پلاندانان و پیرۆزبای لێکرد بەبۆنەی بەدەستھێنانی خەڵاتی ژنانی عەرەبی پێشەنگ

2020/07/23


سەرۆك كۆمار د. بەرهەم ساڵح، ئەمڕۆ پێنج شەممە ٢٠٢٠/٧/٢٣ لە كۆشكی بەغداد پێشوازیكرد لە د. ئەزهار حسێن ساڵح بریکاری وەزارەتی پلاندانان بۆ كاروبای كارگێڕی و نەقیبی سەندیكای ئەندازیارانی عێراقی.

لەمیانی دیدارەکەدا سەرۆك كۆمار پیرۆزبایی لە د.ئەزهەر حسێن ساڵح كرد بەبۆنەی بەدستھێنانی خەڵاتی ژنانی عەرەبی پێشەنگ لە خولی نوێی، لە كەرتی كاری گشتی، ھاوکات بە بایەخەوە هەوڵە دڵسۆزانەكانی بەرز نرخاند كە ناوییەتی لەبواری کارەکەی دا، كە رەنگدانەوەی توانای ژنانی عێراق و ئەو جێگا پێشەنگەیە کە بە ھەوڵ و ماندوبوونی زۆر لە کشت بوارەكاندا ژنان بەدەستیان ھێناوە. 

لە تەوەرێکی دیکەی دیدارەکەدا سەرۆك كۆمار جەختیكردەوە کە پێشتر ژنان بێ بەشكرابوون، بۆیە ئێستا کاتی ئەوەیە كە ژنانی عێراق ببنە پێشەنگی توانا و بێنە مەیدانی كاركردن لە پێناو بەشداری كارایان لە بونیادنانی كۆمەڵ، ھاوکات لە جومگەكانی بەڕێوەبردنی وڵات بەرپرسیارییەتی وەربگرن، تاوەکو ماف و بەرپرسیارییەتی و ئەركی تەواوی خۆیان بە كردار بە ئاكام بگەیەنن.

لەلای خۆیەوە بریکاری وەزارەتی پلاندانان ستایشی گرنگی پێدانی سەرۆك كۆماری كرد، بۆ پێشخستنی رۆڵ و پشتیوانی بەردەوامی لە ژنان، تاوەکو رۆڵی کارای خۆیان بگێڕن لە بونیادنانی دەوڵەت و پێشخستن و خۆشگوزەرانی وڵات، ھەروەھا ئاماژەیكرد بۆ ئەوەی بەدستھێنانی ئەو خەڵاتە نیشانەی بردنەوەو رێزلێنانە لە ژنانی عێراق.
Presedent

هەواڵی پەیوەندیدار

هەڵبژاردە

رۆژمێری چالاکیەکان